Төсләр өйрәнәбез

Төсләр өйрәнәбез (З.Төхвәтуллина)

Сары була чебиләр,

Лимон була сап-сары.

Сары төскә буялган

Машинам да бар тагын.

Җиләк була кып-кызыл,

Мичтә кызыл ялкын да,-

Ул пешерә.

Ни өчен

Бит кызара салкында?

Кызгылт-сары төс ала

Кояш чыкканда һава.

Таң ата – кояш байый,

Дөньяга алтын ява!

Яшел була яфраклар.

Үлән дә яшел була.

Түтәлләрем ямь-яшел

Кыярлар белән тула.

Кызгылт – сары буяуга

Тамызсаң яшел төсне,

Аннан бераз бутасаң,

Көрән була, чәч төсле.

Зәп-зәңгәр күл өстендә

Оча зәңгәр күбәләк!

Их, шул күбәләк белән

Очсаң иде бергәләп!

Күк йөзендә биектә

Ак болыт йөзеп йөри.

Ап-ак болыт өстендә

Самолет кына гөжли.

Кара булганга карга

Кычкыра: “Кар – кар!” – диеп, –

“Минем кара җир өстендә

Эшлиселәр бар ”, – диеп.