Әни булгач, хатын-кызларның йөзе үзгәрә

Еш кына «әни» булган ханымнарны күргәч, аларның үзгәргәнен тоям. Балалар белән тормыш дәверендә нинди генә авырлыклар килеп чыкмасын, йөзләрендә елмаю сүнми, ә күзләреннән нур балкый сыман. Бәхет нуры... Бу күзәтүемне Вайда Размиславиче исемне литва фотографы кызыклы фотокүргәзмәсе аша исбатлый.«Аналык йөзе» дип аталган әлеге күргәзмәне төрле яшьтәге ханымнарның әни булганчы һәм бала тапканнан соң төшкән фотосурәтләре тәшкил итә.

boredpanda.com сайтында фоторәссам: «Әти-әни булу кеше гомеренең иң җаваплы миссиясе һәм ул кешеләрнең үз-үзен тотышына гына түгел, хәтта тышкы кыяфәтенә зур йогынты ясый...» – дип әйтә.

Бу кызларның йөзләренә караганнан соң: «Сезгә әни булу килешә... » – дип әйтәсе килә. Килешәсезме?

Автор: З.Хөснетдинова

Фото: lady.tut.by